बुद्धिमान सरदार !!!

एकदा एका सरदारजीला सर्व लोक सरदारांवर हसतात याचा खुप राग आला. त्याने भरपुर डोके चालवून लोकांना मुर्ख बनवायचे ठरवले.

बर्‍याच काळाने त्याला एक युक्ती सुचली.

त्याने त्याच्या घराजवळ एका मैदानात एक तंबू घातला व जाहिरात केली, इंग्रजी बोलणारी बकरी बघा, तिकीट फक्त दहा रुपये.

पहिल्या दिवशी त्याच म्हणण लोकांनी हसण्यावर नेल.

दुसर्‍या दिवशी तेथे तिकीटा साठी मोठ्ठी रांग लागली.

लोकांनी आत जावून बघितल तर त्यांना एक बकरी एका खांबाला बांधलेली दिसली, पण ती काही इंग्रजी बोलेना.

लोकांनी विचारल्यावर सरदारजी त्या बकरी जवळ गेला व म्हणाला," बेटा, एप्रिल महिन्या नंतर कोणता महिना येतो ?

बकरी ओरडली," मेsssssss."

आज माझा दूसरा वाढदिवस !

नमस्कार,

आज मला माझा दूसरा वाढदिवस साजरा करताना फार आनंद होतोय,

आपण या दोन वर्षात मला जे प्रेम दिल ते मी कसे विसरणार ?

या दोन वर्षात माझ्या वर प्रेम करणारे असंख्य लोक भेटलेत बर्‍याच जणांनी मला माझ्या प्रगतिसाठी सुचनाही केल्यात, त्या सर्वांचा मी हृदया पासुन ऋणी आहे.

प्रत्येकाचे व्यक्तिश: आभार मानणे मला शक्य नाही, व तसे आपल्यालाही आवडणार नाही याचीही मला कल्पना आहे.

आपले निर्व्याज प्रेम असेच मिळत राहो हिच प्रार्थना.

डॉक्टर सांता.

डॉक्टर सांताने फार गंभीर चेहरा करुन हातात टॉर्च घेऊन पेशंटचे डोळे तपासले, जिभ बघितली, कान तपासले आणी.........












बराच विचार करुन म्हणाला..........












टॉर्च चांगला आहे !!!

लाच.

वकिल रागारागाने पक्षकाराकडे गेला.
वकिल : अरे तु आपल्या न्यायामूर्तींकडे लाच पाठवलीस ?
पक्षकार : होय.
वकिल : तुला माहित आहे ते कसे आहेत ? त्यांना हे आवडणार नाही.
पक्षकार : होय.
वकिल : तरिही तु अस का केलस ? आपण आता हरणार.
पक्षकार : नाही, मी लाच आपल्या विरोधी पक्षाच्या नावे पाठवली !!!

लक्ष !

शिक्षक : बाळू, वर्गात थोड लक्ष देतोस का ?
बाळू : सर, मी शक्य तितक कमीच लक्ष देतोय.

मंदी !

मंदीच्या काळात एका सिंधी व्यापार्‍याने काढलेला उपाय.

व्यापारी रात्री घरी आला व मुलांना म्हणाला, आज रात्री जो न जेवता झोपेल त्याला मी ५ रुपये देणार.

त्या रात्री त्याची मुले ५- ५ रुपये घेऊन झोपली.

दुसर्‍या दिवशी सकाळी तो मुलांना म्हणाला, "जो ५ रुपये देईल त्यालाच नाश्ता मिळणार."

मुलांनी ५-५ रुपये देऊन घरातच नाश्ता घेतला.

१००० पानांचे पुस्तक.

एक हजार पानांचे पुस्तक वाचायला किती वेळ लागेल ?

लेखक : सहा महिने.

डॉक्टर : दोन महिने.

वकिल : एक महिना.

अभियंता : परिक्षा कधि आहे ते सांगा. रात्रभरात वाचुन काढू.

परिक्षा !

कॉलेजमध्ये आमच्या वर्गात चार अतिशय व्रात्य मुले होती.
चाचणी परिक्षेच्या अगोदर चौघेही रात्री बर्‍याच वेळ खेळत होते. दुसर्‍या दिवशी परिक्षे आधि चौघेही प्राचार्यांकडे फारच खराब झालेले घाणेरडे कपडे घालून गेले व काल रात्री आम्ही एका लग्नाला गेलो होतो व परत येताना आमच्या कारचे टायर फुटल्याने आमची ही अवस्था झाली आहे असे प्राचार्यांना सांगितले.
प्राचार्य म्हणाले बर पण चारच दिवसांनी मी तुमची चौघांची चाचणी घेणार. असे ऎकून मुले फार खुष झाली.
चौथ्या दिवशी चौघेही परिक्षेला गेले.
प्राचार्य त्यांना म्हणाले ही परिक्षा मी काही परिस्थीती मुळे पूढे धकलली आता तुम्ही तयारी करुन आला असाल तर मी परिक्षा घ्यायला तयार आहे. पण चौघांनाही वेगवेगळ्या खोलीत बसवणार व फक्त दोनच प्रश्न विचारणार.
दोनच प्रश्न ऎकून मुलांना आनंद झाला.
मुलांना चार खोल्यात बसवण्यात आले व प्रश्नपत्रिका देण्यात आली.
त्यातील प्रश्न होते.

प्रश्न १ तुमचे नाव काय आहे ? (०४ गुण)
प्रश्न २ तुमच्या कारचा कोणता टायर फुटला होता ? (९६ गुण)
अ. समोरचा डावा.
ब. समोरचा उजवा.
क. मागचा डावा.
ड. मागचा उजवा.

अशक्य !

गुरुजी : बाळू, तुला असे एखादे काम करता येते का जे इतरांना अशक्य आहे.
बाळू : होय सर, माझे हस्ताक्षर फक्त मीच वाचू शकतो.

१०० रुपयात ५०००० चे फटाक्याचा आनंद घ्या !

हि योजना सर्वांसाठी खुली आहे.

कृती:

१. बाजारात जा.

२. फटाक्यांच दुकान शोधा.

३. तेथून मोठा आवाज करणारे १०० रुपयांचे फटाके घ्या.

४. संध्याकाळी घरातील सर्वांनी मिळून विकत आणलेले फटाके. उडवा.

५. फटाके फोडताना होणारा आवाज रेकॉर्ड करा.

६. आपल्या CD प्लेयरवर तो आवाज मोठ्याने वाजवा.

७. ५०००० रुपयांच्या फटाक्याचा आवाजाचा आनंद लूटा.

बाप रे !

अरे तुला रडायला काय झालं ?
तो हत्ती आज मेला.
तर काय तो हत्ती तु पाळलेला होता कां ?
नाही, त्याला पुरायला खड्डा खणायला मला सांगण्यात आलय.

स्वप्ने बघा !

बाबा : राजु, हल्ली तु फार झोपतोयस.
राजु : हो बाबा.
बाबा : काय झाल ? तब्येत ठिक आहे ना ?
राजु : हो बाबा, मागच्या रविवारी मी त्या भाषणाला गेलो होतो ना. त्यांनी सांगितलय स्वप्ने बघा तरच मोठे व्हाल. म्हणुन मी झोपायला लागलोय. झोपलो तरच स्वप्ने पडतील ना.

ब्रेक ?

बांता : अरे सांता, तु कार इतक्या वेगात का चालवतो आहेस ?
सांता : अरे कारचे ब्रेक फेल झालेत. मला वाटते लौकरच घरी पोहचलेल बर.

लौकरच येत आहे !

सांताचे बायको सोबत भांडण झाले.
सांता स्मशानात गेला व तेथील झाडावर बायकोचा मोठ्ठा फोटो लावून खाली लिहीले.
"लौकरच येत आहे."

प्रार्थना.

शिक्षक : राजू तु जेवण्यापूर्वी प्रार्थना करतोस का ?
राजू : नाही सर, तशी गरज नसते. माझी आई फार चांगला स्वयंपाक करते.

परंपरा.

शिक्षक : शाम, तु वर्गात फार बोलतोस.
शाम : ती आमची परंपरा आहे.
शिक्षक : याचा अर्थ काय आहे ?
शाम : माझे आजोबा रस्त्यावर फेरीवाले होते, आणि वडिल शिक्षक.
शिक्षक : आणि आई काय करते ?
शाम : ती एक स्त्री आहे.

केशकर्तन.

बॉस : तुम्ही कार्यालयाच्या वेळात केस कापायला गेला होता, तुमच्यावर कारवाई का करण्यात येवू नये ?
बबन : केस पण तर कार्यालयाच्या वेळेतच वाढले होते ना.
बॉस : पण सगळे नाही.
बबन : मी तरी सगळे केस कुठे कापलेत ?

नोटीस.

एकदा माझ्या एका मित्राला आयकर खात्याकडून आयकर कमी भरल्याची दूसरी नोटीस आली. त्याने ताबडतोब पहिल्या नोटीसला उत्तर न दिल्याबद्दल खेद व्यक्त केला व सविस्तर उत्तर लिहून आयकर कार्यालयात गेला.

तेथे संबंधित अधिकार्‍याला भेटल्यावर तो अधिकारी म्हणाला, "फार वाईट वाटून नका घेऊ. आम्ही पहिली नोटीस पाठवलीच नव्हती. आमचा अनुभव असा आहे की दुसरी नोटीसच फार प्रभावकारी असते !!!"

TV वर काय आहे ?

कालचीच गोष्ट. मी बरेच दिवसांनी TV बघायला बसलो.
माझी सौ नेहमी प्रमाणे स्वयंपाक घरात व्यस्त (त्रस्त ?) होती.
काही वेळाने ती पण TV बघायला बाहेर आली व मला म्हणाली," TV वर काय आहे ?"
"धूळ !" माझॆ प्रामाणीक ,उत्तर आणि दिवसभर भांडण पुरले !!!

उत्सुकता.

न्यायमूर्ती : तुझे वकिल आजारी आहे म्हणून सुनावणीची तारीख पुढे धकलावी असे तु म्हटलेय. पण तुला रंगेहात पकडलंय आणि चोरीचा आरोप ही तु मान्य केलाय. तर तुझे वकिल तुझी बाजू मांडणार तरी काय ?

आरोपी : साहेब, तुमच्या प्रमाणेच मलाही तीच उत्सुकता आहे !!!