कात्री.

पोटाचे ऑपरेशन झाल्यावर शुध्दिवर येत असलेल्या पेशंटला डॉक्टर म्हणाले," मला कदाचित तुमच्या पोटाचं परत ऑपरेशन करावं लागेल. कारण ऑपरेशन करतांना वापरलेली कात्री आतमध्ये राहिली असावी.
पुन्हा ऑपरेशनच्या कल्पनेने घाबरलेला पेशंट म्हणाला, " डॉक्टर, ती कात्री फार महाग होती कां? मी भरेन त्याचे पैसे."

सुखाचे मरण.

एक जल्लाद आरोपीला फाशी देण्यासाठी जंगलात घेऊन जात होता. रस्त्यात बरेच खाचखळगे, पावसामूळे झालेली निसरडी जागा यामूळे दोघेही चांगलेच वैतागले.
आरोपी म्हणाला," काय रे देवा, सुखाने मरू पण देत नाही !"
जल्लाद म्हणाला," तुला तर तिकडे फक्त जायचे आहे, मला तर याच रस्त्याने परत यायचे आहे !"

भिक्षा.

भिकारी : बाईसाहेब, काही वाढा ना, मी बरेच दिवसांचा उपाशी आहे.
बाई : पुढे जा.
भिकारी : बाई मी मुका आहे.
बाई : जा रे, मी बहिरी आहे.

गेट आऊट.

आमचे एक प्राध्यापक होते. त्यांना एकदा वर्गात खोड्या करण्यार्‍या एका मुलाला बाहेर काढायचे होते, पण Get Out हे शब्द सुचले नाहीत. त्यावर त्यांनी उपाय काढला.
ते स्वत: वर्गाच्या बाहेर गेले, मुलाला म्हणाले "कम हिअर", "स्टँड हिअर" व स्वत: वर्गात येऊन दार लावून घेतलं.

वाहने हळू चालवा.

स्कूटरस्वार : हवालदारसाहेब, इथे वाहने हळू चालवा असे का बरं लिहीलंय.
ट्रॅफिक हवालदार : "कारण आजुबाजूला हॉस्पिटल नाही आणि इथे रूग्ण्वाहिकेची सोय नाही.

हुशार आजोबा !!!

एक आजोबा रिक्षावाल्याला : बेटा, रेल्वेस्टेशन पर्यंत जायचे किती पैसे घेणार ?
रिक्षवाला : दहा रूपये.
आजोबा : आणि माझ्या सामानाचे ?
रिक्षावाला : सामानाला काही पैसे लागत नाही आजोबा.
आजोबा : बरं, मग तु सामान घेऊन पुढे जा. मी मागुन चालत येतो.

परिक्षा.

परिक्षेच्या वेळी एक मुलगा उत्तरपत्रिकेत काहीच न लिहीता विचार करीत बसला होता.
तेंव्हा सुपेरव्हायझरने विचारले," काय रे, कसला विचार करतो आहेस ? पेपर फार कठीण आहे कां?
मुलगा उत्तरला, " तसं नाही हो, कोणत्या खिशात कुठल्या प्रश्नाच उत्तर आहे त्याचा विचार करतोय.